香港股市 將收市,收市時間:6 小時 39 分鐘

靚女人緣差?迪麗熱巴28歲生日得一藝人祝福

小編都補祝一句生日快樂啦!

內地女星迪麗熱巴五官精緻,加上混血臉孔被封為「零死角女神」,平日爽朗兼親民作風贏得粉絲歡心,社交網粉絲追蹤人數快將衝破7千萬!前日(3號)係迪麗熱巴28歲生日,佢上載咗一張望海「影後」照,簡單留言「要開心。要充實。」祝賀自己,雖然生日留言有超過100萬,除咗粉絲同品牌代言,幾乎冇一位當紅藝人送祝福,只有內地組合SNH48成員宋昕冉準時送祝福,似乎人緣差啲喎!

生日留言超過100萬個!
但除咗SNH48成員宋昕冉,全部都係品牌送祝福。

就算迪麗熱巴嘅老闆之一楊冪,以及同屬嘉行娛樂、劇集《三生三世枕上書》男主角高偉光亦未有任何表示,令網友揣測係咪迪麗熱巴就快完約或解約,令雙方因此不愉快,定抑或嘉行旗下藝人為避嫌而未有公開祝福。

每年楊冪生日,迪麗熱巴都好準時留言冧老闆!

加上迪麗熱巴新劇《幸福,觸手可及!》正在熱播,同劇嘅黃景瑜、張馨予等演員均未有送上祝福,難怪令網友覺得奇怪。

張馨予、黃景瑜等同劇演員未有任何表示。
唔通靚女真係令人眼紅?