雅虎香港財經 
靠買樓發達仍未絕望 依家先入市 兩招變陣 | 樓市入門 | 香港樓市2018
【買樓】中原城市領先指數CCL首次突破180點，連續兩星期上升。很多未買樓人士覺得在香港看不到機會，Anthony sir亦有一番見解。
撰文：1%Anthony ｜圖片：新傳媒資料庫
延伸閱讀：
80後史丹福碩士棄9萬月薪 創業為推港產機械錶 | 創業個案 | Startup
90後唔做律師創業印卡片 10萬本3個月回本 每月生意額近百萬｜創業個案｜90後創業｜Startup
朋友Ａ： 「有冇留意中原指數呀？」
朋友Ｂ： 「有呀…180幾點！痴線！」
朋友Ａ： 「97年100點都話貴，而家仲高咗成倍！」
朋友Ｂ： 「政府好似已經冇晒辦法咁。」
筆者： 「冇辦法仲好啦，次次出招都不跌反升！」
朋友Ａ： 「由2010年第一次SSD到而家，越出招越衰。」
朋友Ｂ： 「其實點解要出咁多招？以前自由市場咪幾仲好。」
朋友Ａ： 「政府唔想有泡沫出現，希望市場穩定發展嘛。」
朋友Ｂ： 「其實泡沫有乜問題呢？泡沫吹大咗就會爆架啦！」
朋友Ａ： 「泡沫爆破，經濟不景，失業、負資產…好痛苦喎！」
朋友Ｂ： 「而家唔痛苦咩？」
筆者： 「又好似有道理喎！」
朋友Ｂ： 「泡沫爆咗都係痛苦幾年之嘛。」
筆者： 「到時仲可以好似金融海嘯咁，出招救市。」
朋友Ａ： 「咁可能衰一、兩年就復甦，又再浴火重生。」
朋友Ｂ： 「咪係囉，而家高樓價嘅痛苦，直頭睇唔到終點。」
筆者： 「又啱喎！有起跌，先有機會！」
朋友Ａ： 「冇錯！所謂平穩發展，反而令樓價有升冇跌。」
朋友Ｂ： 「對我哋早年買落一堆樓嘅，咪叫平穩囉。」
筆者： 「但係對於未起步嘅人嚟講，係絕望！」
朋友Ａ： 「真係戥班未起步嘅年青人慘。」
朋友Ｂ： 「你哋情願大起大落，定係平穩發展丫？」
泡沫爆破後總有機會
政策目的…是令市場避開泡沫，穩定發展。
回望過去8年…所謂的穩定發展，係咪真係咁好？
本來，樓市是有週期的！過去幾十年都有，經常聽前輩說，大概每十年就會出現一次週期。經濟好的時候，樓價跟隨瘋狂上升，很多人賺到很多錢，所謂魚翅撈飯。
升到某個臨界點，然後泡沫爆破，樓價大跌，走唔切的，輸到甩褲，入市機會又再來臨。
是的…泡沫爆破的時候有很多人輸錢，有幾年陣痛。
但是…陣痛之後，又有機會！
回望過去，97年泡沫爆破，造就了03年的史上最佳入市時機。07年泡沫爆破，造就了08年的入市機會。
錯過了一次，唔緊要！吸收經驗，好好裝備自己，下次機會來臨的時候，好好把握。眼見身邊的同學戰友，過去8年能把握機會的，閒閒哋都3、4層樓，10層以上的多不勝數，當然包括筆者自己。未來總有機會，有希望！
未買樓者需多變通
現在呢？如果你仍未起步，見到有機會嗎？有希望嗎？
在政策的扭曲下，確實沒有出現97年時候的過份借貸，10個煲得3個蓋，也沒有出現以前炒炒賣賣、左摸右摸。最容易引發泡沫的條件因素不存在了，泡沫爆破機會大減了，樓價穩定了嗎？沒有！
我們的生活過得比以前好嗎？沒有！
如果你早年買了很多很多樓，恭喜你，可以坐享樓價上升。
如果你只有一、兩層，唔恭喜你住，或許只能原地踏步。
如果你還未買樓，慘啦！起步都難，或許看不到機會、希望。
你是後兩者嗎？噢！慘啦！
還未絕望的，不過要多變通。
依家先入市 兩招變陣
第一，在香港看不到機會，可以到內地看看，大陸仍然有很多城市正處於高速增長期，很多樓都只是幾十萬，呎價都只是一、兩千元，還有機會可以發掘到倍翻機會，還有機會可以買多幾層樓。
第二，也可以看看非住宅，例如筆者與戰友在工廈方面的投資亦很瘋狂，最近團隊亦已完成一項收購，將重建商廈，透過增值、拆售，雖然比以前難，但仍可讓資產倍增。
市場人士經常說，現在的借貸率很低，很多人已不用供樓，持貨能力很強，所以沒有泡沫，不會爆破。
筆者並不同意，如果沙田第一城的上車盤，賣到1000萬呢？還不爆破嗎？那2000萬呢？3000萬呢？總有一個價是臨介點！持貨能力強，倒過來說，減價能力都強，例如你的單位10年前以100萬買回來，現市值500萬，萬一經濟有變，減價賣樓，減100萬仍然是面嗰浸。當然，若辣招不變，尤其15%不撤，個個不賣樓，想爆都難。
到底是誰想要穩定發展呢？
還是懷念以往大起大落的日子？
去大阪想搵住宿？識睇一定睇呢到！
去首爾掃貨住邊好？入嚟幫你格價搵至抵住酒店！
短trip遊台北叉叉電，即訂平、靚、正住宿出發！
去旅遊想搵住宿？識睇一定睇呢到！
40歲起步買樓上車唔怕遲 教你達成一生三宅目標
月入$29,000月儲$14,000 有80萬資金財務點部署
延伸閱讀：
