香港股市 將在 5 小時 12 分鐘 開市

順豐王衛金句夠霸氣

你覺得順豐王衛嘅金句好寸?人哋只係想精益求精咋!

順豐速運一直係內地公認送件最快嘅物流公司,但董事長及創辦人王衛接受內媒訪問時竟然金句王上身,好認真咁講:「可能大家認為順豐快,是因為其他人慢!其實我自己不認為順豐有多快!」嘩!王衛此言,會唔會霸氣咗啲!

應用科技定存亡

王衛解釋,從佢認知嘅快,追求嘅快,同順豐今天做到嘅快仲有差距。而為咗追求更快,王衛強調要靠科技嘅投入,但承認「抓得住係東風,抓唔住係颱風」。

佢咁樣講,係因為認為大數據同人工智能對全世界所有行業都有顛覆性嘅變化,用得啱就會係機遇;用唔好,第日分分鐘冇得留低。所以佢認為自己嘅競爭者唔係同行,而係擁有高科技嘅公司。王衛金句多多,但似乎又有佢嘅道理喎!