【食飯指定動作】交換手機睇同事LinkedIn
呢個世代,起底愈來愈容易。每次轉新公司都好八卦想知唔同同事嘅背景同埋估吓同事歲數,所以一般嚟講,打開LinkedIn就會知佢幾時大學畢業,睇佢做過幾多份工,睇佢年資,上司同事嘅年齡,在LinkedIn嘅世界根本唔再係秘密。
之但係,有好多打工仔都會睇邊啲人掃過佢LinkedIn,就算你隱藏咗自己個名,對方都會睇到係邊間公司嘅人睇過你。
為咗唔畀對方知道自己咁八卦,所以好多人都會趁夜晚放工約朋友食飯時,交換手機,用街外朋友個LinkedIn account一次過掃晒目標人物的LinkedIn ,仲要cap埋圖,方便之後send畀自己留底。
結果,有朋友發現原來上司細過自己一大截,又或者發現同事原來做咗十年officer都冇得升,更加有人發現有同事將自己title「作大」,明明只係小經理,但就寫自己做主管,擺明死要面,或者方便搵工啦。
唔怪得有人成餐飯都可以拎住部電話睇LinkedIn,睇極都睇唔住,因為資料真係好豐富呀!
===================
19網輕鬆爆料熱線,歡迎舉報老細同事19惡行,立即click入去講畀我哋知啦