香港股市 已收市

香港人已經 馬都無得跑

.

馬會宣佈,為保護員工、顧客以及馬匹的安全,所以今晚賽事將全部取消。

事緣何君堯愛駒「天祿」今晚有份參戰,有網民聲稱發起圍堵行動,最後竟然會因為一隻馬全部取消。

得知今晚無得去「拎錢」的朋友,唔明點解唔可以勸退,有朋友就擔心「次次參賽,香港馬都無得跑」,有激動馬迷話「係咪即係迫我戒賭」,不過有與馬會員工相熟朋友話,如果在馬會放催淚彈,保險隨時無得賠。

.


(圖片:何君堯對於取消賽事感到遺憾,又指不應向惡勢力低頭」/來源:何君堯facebook)

雞先定蛋先?很難說,但其實,馬會取消賽事有爭議向來早有前科,上年「山竹」於周日襲港早有預料,馬會大可改期至周末,但卻偏偏「議而不決」,要在周末下午三時才宣佈取消賽事,全數退回彩金,除了影響自己收入,還影響了一眾馬報員工白寫,可謂「取消得太遲」。

過往取消賽事,多是因為颱風,損失投注額真就要睇日子,由數千萬到上億元都有。不過,通常都有得補賽,只係今次馬會明顯係斬腳趾避沙蟲,補賽時「天祿」有無機會參戰呢?難度到時又要停賽嗎?

早幾年的什麼夜賽「連環墮馬都無腰斬賽事」、「馬匹衝閘要重跑」、「不公平開閘食詐糊」等等,都無今次來得問題大。今次好可能將跑馬正式捲入政治,看來類似事件陸續有來,到連馬都要分顏色嘅時候,香港人已經再無「馬照跑」了。

七十年代後期馬會都試過馬伕罷工,但已經年代久遠,當年每季政府限七十天賽事,馬會停賽一日影響唔大。但如今馬會每年貢獻庫房233億,係一個好重要嘅收入來源,如果連馬會收入都大受影響,唔通要陳茂波講「我同意穆迪」?

而馬會自己,去年度錄得盈餘64.11億元,同比大跌21.07億元,表現已經好弱,但又唔似港鐵咁主業務其實唔係本業,如果繼續取消,不如以後一齊北上跑馬。

話說海南省銳意發展賽馬,上年已通過《海南省建設國際旅遊消費中心的實施方案》,鼓勵在海南發展賽馬運動等項目。商業上,深圳又贏,跑馬方面,遲早又會有人說「海南超越香港」。

董驃與跑馬的香港,看來快將過去

其實,今個新馬季第一日投注額不跌反升,全日10場賽事達12.88億元,比上年增加2.8%,係歷來開鑼日第二高,本來係個好開始,諗住一眾馬迷大和解,放下成見搵馬會錢,點知香港人最終連馬都無跑,呢筆帳,真係唔知要搵邊個計了。

===============

精選資訊網站「中環街市」 臉書粉絲頁