香港股市 已收市

香港係一個「即將退休嘅老人家」(石先生)

唔經唔覺,香港人又迎來回歸20週年,呢20年有咩感受,大家可以係各大報章雜誌嘅回顧、訪問稿之中搵到唔少答案。平時唔多出聲嘅名人、大商家在這個特別時刻當然都會同大家傾下過去,展望未來。係各大回顧訪問中,有一篇文章內嘅兩段口述可以概括香港嘅現況。

「個個都見過鬼,個個都怕黑;而家香港前面十幾間,都好穩陣,有咁上下實力。」

「點 aggressive 都要睇個市」

雖然無點明主角,但大家應該都睇得明。今時今日嘅香港,有番咁上下實力,試過輝煌,試過淒涼,辛辛苦苦捱番上來,做生意取態自然保守啲,最緊要有飯開,實賺嘅當然要做,高風險嘅唔好咁博。

更何況話事人大多已經貼近退休之齡,何必太搏?不過,香港周圍有好多後生仔,個個都仲未發達到可以退休,未見過鬼未見過黑一路向前衝,願意承受高風險同你輸賭一舖。面對呢啲衝來香港搵食嘅後生仔,香港似乎唔多在意,覺得自己實力有番咁上下,唔會被擊倒,再進取都要市場承受得到。

一個擁有實力但即將退休嘅老人家對一個無包袱但肯借盡賭一舖嘅後生仔,或者就係今時今日香港同鄰近地區嘅寫照。

作者:石先生(科技博客Stone IP)

19+精選推介︰

BBC新聞 Dead Air 4分鐘嚇死觀眾

老公去死討論區

月入得一萬台灣90後被逼買樓

著咗佢 1秒變大胸

國際新聞:邊開聯邦會議邊餵人奶

法國公司禁著短褲男員工套短裙返工

===============財經精選資訊網站「中環街市」  臉書粉絲頁