魚樂無窮│用廢老方式炒WSB(唐牛)
近期港股悶到發慌,那邊廂美股WSB再次升溫,短炒客全部轉場去花旗國即日鮮,起碼叫有深度有波幅,望多幾眼港股報價機,隨時瞓着。
美股、外匯、加密貨幣免費即時報價,自選投資組合獲取相關新聞提示。
在直播平台都講過,我自己都有參與WSB,為的不是買得大贏得大,而是志在參與,並了解時下年輕人的心頭好。雖然操作工具一樣,都係那些股票,但操作手法,我依然用番廢老嘅玩法,升夠一截便減磅保住利潤,所以贏大鑊一定冇我份,但起碼唔使輸死。
唔夠兩個鐘贏一成
就以操作CLOV為例,星期二埋單升近倍,我在post market合埋眼衝咗,結果第二日premarket已經大升三成,雖然買得唔多,但幅度之大夠我開餐,最後吃咗四份之三,將成本價減低,坐得更舒適。到星期四,WSB大冧,我跟戰友低撈咗OCGN,唔夠兩個鐘又贏一成,最終連同已穿成本價的CLOV一併沽出,叫做有微利。由此可見,廢老操作方式炒美股,一樣也可以生存!
唐牛
fb︰https://www.fb.com/tongcow88
YouTube︰https://www.youtube.com/channel/UCLwEpfQ6w1d-MUVlAS86QcQ
本欄逢周五刊出