魚樂無窮│由撳掣一刻開始 主導權已在你手(唐牛)
近日不同平台推介的股份,如現代牙科(3600)、四環醫藥(460)、神冠控股(829)比起推介時,累積三至八成的升幅,如此悶市下算有交代。「唔郁同埋輸嘅你唔講?」炒股票隻隻贏,你唔使咁辛苦返工,亦都唔使睇我吹水啦,埋單大數贏錢就ok了。亦因如此,近日只集中火力望住炒開嘅幾隻股份,整體市況以及藍籌股冇乜點理過。
美股、外匯、加密貨幣免費即時報價,自選投資組合獲取相關新聞提示。
好彩扑中幾隻爆升股,直播節目及fb inbox開始繁忙,問題離不開「今日有乜好買」、「呢隻你食咗未」,只能夠講,當你睇完我嘅推介又覺得有潛力,由撳掣落盤一刻開始,主導權已100%在你手,甚麼止賺止蝕應該心中有數。大劉都講啦,借錢畀你都要有還錢計劃嘛。
嘉利國際搞分拆吼位吸
本欄愛股之一嘉利國際(1050)宣佈,正考慮可能以介紹方式,分拆房地產業務於主板獨立上市。其實見到份通告的一刻,唔太感到意外,因為跟咗呢間公司咁多年,睇住佢內房生意越做越大、越做越好,一早已夠晒數獨立上市。現價股息率接近6厘,預計於6月公佈全年業績,今日起吼位慢慢收集,咁多炒作催化劑在眼前,值博率極高。
唐牛
YouTube︰www.youtube.com/channel/UCLwEpfQ6w1d-MUVlAS86QcQ
本欄逢周五刊出