雅虎香港財經 魚樂無窮｜高位以股代息 葉氏化工等發力（唐牛）
本欄曾推介的葉氏化工（408）有新消息︰集團中期業績宣佈派息中期息加50周年特別息，合計22仙，最新宣佈以股代息計劃的兌換發行價為4.95元，即一手（2000股）股份最多可兌換88股。重中之重在於，主要股東葉志成及核心管理層成員，已表示有意選擇以代息股份方式收取股息，表明對未來發展充滿信心，其持股比例將由53.92%升至55%。
美股、外匯、加密貨幣免費即時報價，自選投資組合獲取相關新聞提示。
有跟開股表現的戰友都知道，葉氏化工公佈亮麗業績後，就算大市如何波動，股價一直企穩在高位，睇佢嘅走勢圖，你唔會知道恒指有幾兇險，主要股東竟然在呢個水平收股不收錢，其睇好未來發展之說，唔係吹水咁簡單。還記得本欄另一愛股完美醫療（1830）嗎？當日大股東同樣透過以股代息增持，結果股價炒到飛天，葉氏化工能否重演劇情，令人期待。
同業理文喪炒 有機跟落鑊
還有一點要留意，近日化工股逆市見異動，最誇張的當然要數理文化工（746），不足兩星期狂升七成，兼見成交大升，唔似係尋常資金。雖說葉氏化工與理文化工業務不盡相同，但以其強勁業績及慷慨派息，如果跟炒一轉，我唔會感到意外；防守位不變，繼續放在4.5元。
唐牛
fb分享所有直播節目，第一手睇法及冧巴此中尋
IG正式開通，主打吃喝玩樂，將銅臭味減到最低
https://instagram.com/tongcow_88
YouTube開業一周年，繼續在通告尋寶，搵到錢先可以吃喝玩樂
https://www.youtube.com/channel/UCLwEpfQ6w1d-MUVlAS86QcQ
本欄逢周二刊出
