魚樂無窮│6月市況三個關鍵(唐牛)
港股五窮月先驚嚇後驚喜,初段美股急挫拖累港股跌穿28000,但近日在A股回勇及人仔強勢下,恒指反挑戰兼企穩29000之上,只要嚟緊兩個交易日生生性性,這個5月有望升市收場,一地眼鏡碎也。
美股、外匯、加密貨幣免費即時報價,自選投資組合獲取相關新聞提示。
6月又點呢?雖然講過唔鍾意亦冇能力預測,但如果A股及人仔繼續硬淨,港股一定有運行。另一個新增點子,就係新股市場升溫︰京東物流(2618)昨日盤出人意表地搶高兩成,只要今日上市唔走樣,全世界一齊贏錢,嚟緊嘅IPO勢必搶爆,在良性循環下,港股氣氛有望進一步改善,指數再行前絕對唔難,所謂嘅橫行區間都係用來突破的,對嗎?
新股升溫利後市
有跟開本欄直播的戰友都知道,年初高位回落後,我一直保持住輕倉的狀態,一來唔想輸番保到嘅盈利,二來炒作題材欠奉,如今大市轉旺,唯有揸實美股富途及平保牛,假設真係勢如破竹,都冇咁易被拋甩,另外當然希望新股可以幫補一下,密食當三番。
唐牛
fb︰https://www.fb.com/tongcow88
YouTube︰https://www.youtube.com/channel/UCLwEpfQ6w1d-MUVlAS86QcQ
本欄逢周五刊出