香港股市 將在 7 小時 2 分鐘 開市

【魚樂無窮】角力市如何自處?(唐牛)

人為因素極大下,估升跌絕對唔易,冇定力坐貨嘅,建議你行埋一邊。

恒指埋單跌168點,看似與平常跌市分別不大,但內裡訊息量極大。先講即市走勢,企硬後倒水再倒升再倒插,對炒鬼來說係好事,一日當幾日炒,但長倉投資者其實可以唔使睇,因為chok上chok落冇意思,唔小心更會高追低沽。

國家隊手影明顯

成份股走勢亦十分有趣,當炒的騰訊(700)、港交所(388)全軍覆沒,中資金融股如工行(1398)、建行(939)、平保(2318)卻全日上升,在沒有丁點利好消息下,股價如此硬淨,除了國家隊進場外,實在諗唔到有其他原因。無論如何,港版國安法帶來的中美角力,以至全世界各國的角力,可說是近年罕見,港股資金的角力亦是史無前例,亦回應了文首,點解個市一日可以當幾日炒。

人為因素極大下,估升跌絕對唔易,冇定力坐貨嘅,建議你行埋一邊,就算預咗長揸,都要等大跌一刻入場,起碼值博率高啲,同埋要分段吸納,盡量分散風險。一句到尾,呢場仗有排打,絕對唔係all in之時,參與記住量力而為,保命要緊。

唐牛fb專頁

http://www.fb.com/tongcow88