【魚樂無窮】騰訊大陰燭的啟示（唐牛）

昨日市場焦點落在股王騰訊（700）身上，業績遠超預期，卻出現了一支超樣衰的大陰燭。

昨日市場焦點落在股王騰訊（700）身上，業績遠超預期，卻出現了一支超樣衰的大陰燭，當然，早前累積升幅已多，在好消息出貨的情況下，高開低收其實又合情合理。另一個原因是，儲局主席鮑威爾唱衰當地經濟，除令道指急瀉逾500點外，就連一向強勢、以科技股為主的納指，埋單亦跌1.6%，騰訊亦因而被拖累，從短炒角度出發，昨日高位447元已成為短期頂位，一心諗住今次要挑戰歷史高位的騰訊fans，唔可以太心急了。

指數上落區間或下移

正因為騰訊短期見頂，恒指要挑戰25000大關難度大增。不是嗎？今浪大市挾升，主要功臣就是這隻企鵝，其他重磅股如滙控（005）、中移動（941）、友邦（1299）、平保（2318）等動力欠奉，更加唔好提本地地產股及三桶油等，除非嚟緊兩會可以喚醒中資股，否則在美股拖低港股下，指數若失守近日低位23483點，上落市區間好大機會要往下調，變成23000至24000點。

眼見市況越炒越窄，近日的操作都是盡量將非核心持股沽出，短炒貨亦會即日清理，留下核心的內需、物管、教育、科網、醫藥股，希望繼續強者越強。就算市況突然逆轉，由於戰線已經收窄，減磅也容易得多，唔使手忙腳亂。

唐牛

http://www.fb.com/tongcow88

本欄逢周五刊出