點解馬斯克未有Cosplayer?

·2 分鐘文章
如此有個性的商界巨人,直到今日都唔多見有模仿者登場
如此有個性的商界巨人,直到今日都唔多見有模仿者登場

馬斯克(Elon Musk)睇怕係今年首季風雲人物,但離奇的是,如此有個性的商界巨人,直到今日都唔多見有模仿者登場,原因可能係關乎佢個look。

數近代最多Cosplayer的商界巨人,冠軍肯定係Steve Jobs,論破壞性創新成就,馬斯克不下於Steve Jobs,照計應會掀起Cosplayer模仿潮,未能掀起原因,估計係馬斯克沒有標誌性打扮。馬斯克有別於Steve Jobs,他有時著西裝,有時著皮褸,有時著T恤,要模仿就有點難度,故此Cosplayer及外國搞笑藝人暫時未打佢主意。

外國搞笑藝人未扮馬斯克

不過無乜人有興趣模仿馬斯克,唔代表A貨馬斯克缺乏商業價值。話晒Tesla在全球投資者及消費者心目中已經與電動車劃上等號,形勢較落後的車企,想拉近與Tesla距離,向馬斯克形象抽一抽水係值得考慮的策略。馬斯克話晒阿媽係名模,單係個樣都領先,加上口才了得,傳統車企形象踏實的掌舵人想在發布會上學馬斯克實在吃力不討好,倒不如搵個A貨馬斯克幫手做代言兼幫手客串發布會。

Elon Musk係A貨Ironman,Robert Downey Jr都可以係A貨Elon Musk
Elon Musk係A貨Ironman,Robert Downey Jr都可以係A貨Elon Musk

正牌Iron Man做車企代言

首選當然係「退伍Iron Man」Robert Downey Jr,由正牌Iron Man做車企代言兼推銷電動車,消息一公布必定掀起話題,而且論外貌論口才Robert Downey Jr不下於馬斯克,配合以Robert Downey Jr冠名車系登場,發布會必定有聲有息,有助推高股價。

除了以正面形象搶攻,另一套路係搵人模仿惡搞。外國企業不時會策動惡搞宣傳攻勢,蘋果用Mac Guy取笑 PC Guy就係經典例子。夠進取的車企,又對自己電動車款挑戰Tesla有信心,不妨搵人扮馬斯克在發布會登場惡搞一番。搞笑高手兼大明星Alec Baldwin係可考慮人選,皆因他之前表示特朗普下台後,他就會失去惡搞特朗普這份好工。以他外形及演技,模仿馬斯克都唔太難,配合刻薄對白,都可以炒熱話題。當然更理想情況係惡搞一出,引來馬斯克炮轟,宣傳效果就係以過億美元計了。

相關文章:

馬斯克正式成為全球首富,Tesla絕地反擊成就王者

【下載Yahoo財經APP】獲全球超過1700萬人信任的美股投資工具,跨平台同步你的投資組合,一APP掌握TSLA、AAPL、AMZN等美股最新走勢。