香港股市 將在 3 小時 開市

120蚊「和你飛」 不如救高鐵?

.

有傳財爺推出120蚊「和你飛」補貼機票錢,今日記者會未正式公佈,幸好仲有彎轉,唔一定推行呢項咁嘅政策。

120蚊「和你飛」一傳出已經全城鬧爆。

如果真係補貼港人出遊,補貼個別旅行社,根據目前資料,最大問題除了益晒私人企業,還有鼓勵香港人出外洗錢。

中國經濟增長有記錄以來新低,正需要更多內需支持,點解想到首先補貼的不是鐵路而是「和你飛」呢?

你話,「和你飛」都可能係去北、上、廣玩玩,但中國鼓勵人搭高鐵振興經濟,香港又有呢個地利,點解率先補貼飛機?

日本剛剛增加消費稅至10%,此時波叔下「及時雨」120蚊港元,會唔有瓜田李下之嫌,剛剛好抵銷了消費稅的部份影響,鼓勵港人繼續去日本。

如果波叔識玩,其實應該補貼已經人流銳減嘅高鐵,同「大灣區生活圈理念」夾返口供。

.

根據上月開通一週年資料,高鐵香港段周日平均客量只有45000人次,周末平均客量只有62000人次,遠遠未達到開通前估計的平均每日80000人次水平,而9月29至10月6日期間,高鐵西九站更總共只有153480 旅客入境,同比銳減五成。

高鐵造價達到800幾億,成績一直未如理想,如今港鐵又被指「黨鐵」,業務面對史無前例挑戰。

金額比例上來說,機票錢120蚊真的不算什麼,但對高鐵來說就不是了,至少高鐵極需要「旺場」。

.


到時公務員北上睇樓又多個誘因;返內地消費,「一國」之下又唔算走資,政策風險細,何樂而不為?

據了解,從10月24號開始,高鐵本身都有自由行套票優惠出爐前往廣州、惠州、肇慶同桂林等多個點,此時如果政府再資助乘搭,或者會有協同效應?

===============

精選資訊網站「中環街市」 臉書粉絲頁