【2019趨勢】月入幾皮不再?地盤工嘆無前景
個市好差,就梗,但勢估唔到,近年大受傳媒吹捧,鼓勵年輕人入行嘅地盤業,都開始有人上網訴苦,話好擔心前路﹗
行內人透露,今年7月開始,結構三寶(釘板石屎扎鐵)已經唔係好搵到工,「遲啲會推到泥水風火水電」,個市隨時靜到2020年,叫大家入行前三思。
該帖引起熱議,有人自爆準備轉行:「釘板今個月得9工,食緊粥水。」有人爆龍頭公司無盤,大家都要諗定後路云云。
小編問過地盤朋友,佢就話個市的確唔好,而政府起嘢已經放慢腳步,之前堆大型基建又相繼落成,2019年靜係意料中事,佢仲提醒,地盤入面好多工種,竹棚師父應該影響不大,叫做有維修做下,但其他會無咁穩定:「無計,人人都覺得後生仔一入行就兩三皮,僧多粥少,要有工開先得,好景時乜都好,但cut人時,都幾無保障」
唔好以為地盤有靚女,又好搵,月入幾皮;到逆境時你就知,呢行幾唔穩定,幾高風險。
來源:連登
===================
19網輕鬆爆料熱線,歡迎舉報老細同事19惡行,立即click入去講畀我哋知啦