6間貼錢畀員工去旅行的公司
香港人鍾意旅行,一有假放,打工仔女都會選擇離港,出去透透氣,先再返來受氣。
只係機票和住宿等,樣樣都要錢,如果公司津貼一下旅費幾好呢。其實,唔一定做空姐或空少,好多旅遊網和IT公司,都有為員工身心著想,提供旅遊津貼。
早前求職網站Glassdoor公布提供員工旅遊津貼公司名單。以下列出6間,係為港人較熟悉或有特式津貼嘅公司。鍾意旅行嘅你,一定要睇睇。
聯繫人管理平台FullContact-相信讓員工放假有助業務發展,故每年資助員工高達7,500美元嘅旅費;更重要係公司規定放假唔可以工作,咁就唔驚會被公司嘅人煩住,搞到無mood度假,令旅程掃興而回。
人力資源軟件公司BambooHR-員工每年獲2000美元旅費資助,好多人會用呢份Bonus往巴黎、夏威夷等旅遊勝地,度假嘆世界。
雲端筆記軟件Evernote-認為提高員工生產力嘅最佳方法,係俾充足時間佢哋休息「充電」,所以給予員工每年1000美元嘅旅行津貼外,更吸引人嘅亮點係無上限嘅休假。
住宿網上平台Airbnb-員工每季可獲2000美元嘅旅行優惠券。
旅遊預訂網站Expedia-員工購買公司旅遊產品有折扣,並且每年可獲250至750美元不等嘅旅費津貼,金額按年資決定。
旅遊資訊網站TripAdvisor-員工購買公司旅遊產品有折扣,並且可獲250美元或以上嘅個人旅費津貼,金額按年資決定。
可惜,大部分本港公司,都唔會咁捨得畀錢你使,旅行點都係要去,嚟緊放假,打工仔唯有食自己吧。
來源:Glassdoor
===================
19網輕鬆爆料熱線,歡迎舉報老細同事19惡行,立即click入去講畀我哋知啦