雅虎香港財經 
90後、00後唔捱得? 其實好多公司老臣子都一樣
【90後、00後唔捱得?】公司有一個奇人叫漢叔，聽聞佢係公司初開業無耐已經入職，係名正言順嘅「老海鮮」（old sea food）。雖然漢叔職位唔高，但地位就異常地高，連經理級都不敢動他分毫。漢叔係一個怪人，最大特色係有「六不做」。
撰文：藍橘子 ｜ 圖片：網上圖片
延伸閱讀：
七年內結婚生仔兼創業 90後夫婦代購起家 年生意額600萬 | 90後創業 | 創業個案 | Startup
3個80後90後男生代購泰國貨 由網店到開兩間舖 月賺8萬 | 80後創業 | 90後創業 | 創業個案 | Startup
職場老Seafood「六不做」
不換水、不換紙、不聽電話、不沖廁、不加班、不負責任。
已經有好多同事見過，漢叔拎住隻水杯走入Pantry，見到水機無水，就會無若無其事行返出嚟，等到有其他同事換水，佢先走入去斟水飲。
另一方面，漢叔係一個聰明人，佢會儲低一大疊文件，等有同事影印機換完紙，先一次過Print。
點解要咁做？除咗唔想換紙之外，漢叔仲想有同事順手拎埋啲文件畀佢。
德高望重嘅漢叔，從來都唔會聽電話，就算公司全部同事忙緊，電話響到爛晒，一樣穩如泰山咁坐喺度望住個電腦發呆。
最難頂嘅係…漢叔會喺廁所食煙同唔沖廁。雖然好多同事都唔鍾意漢叔，但佢始終係公司老臣子﹐老闆一定保住佢，所以大家唯有啞忍，當漢叔係公司嘅一件裝飾品或招財擺設。
90後無禮貌、80後唔捱得
如此任性放蕩不羈嘅漢叔，相信係被老闆寵慣晒，先有今日嘅功力。
我哋成日都聽到話80後唔捱得、90後無禮貌、00後連影印機都唔識換紙…
唔知由幾時開始，社會上充滿呢種年齡標籤。總好過漢叔呢類「60後」，識用都唔去用。
每當職場有新一班後生仔入職，都一定有呢啲言論。
我相信好多人屋企都無影印機，如果第一次出嚟做嘢，唔識用影印機又有乜出奇？
社會需要多啲機會畀新入職嘅年輕人，當然年輕人亦要努力擺脫呢種負面標籤。
我係80後，記得當年我入職，一樣畀人話唔捱得，但捱吓捱吓，都捱咗十幾年。
每次見到有新同事加入，乜都唔識，我都會提醒自己，千祈唔好變成一個同漢叔一樣嘅老sea food…
體驗1分鐘貸款批核 隨時提款話咁易
平遊東京不是夢！最平住宿喺晒呢到
去大阪想搵住宿？識睇一定睇呢到！
去首爾掃貨住邊好？入嚟幫你格價搵至抵住酒店！
短trip遊台北叉叉電，即訂平、靚、正住宿出發！
去旅遊想搵住宿？識睇一定睇呢到！
會考零分 36歲裸辭20萬創業 爽WiFi年生意額達2000萬
延伸閱讀：
