AA驚現回佣App
有時候就算你無做錯事,都可能會俾人以本傷人,搶你飯碗。
話說同行如敵國,地產回佣問題,一直都困擾代理。當打開了潘朵拉的盒子,用回佣爭生意就比比皆是,想摵都摵唔甩。
最新有地產專頁爆料,回佣AA竟然變本加厲,出埋「回佣App」等買賣相方配對,大字標題「立刻搵個肯回佣經紀」(下圖)。
呢度就唔鼓勵、唔介紹個「回佣App」太多,總之最搞笑係,如果買賣雙方用呢個平台,本身AA都要俾平台抽1% 佣,例如準買家要求回佣30000蚊,平台就要收取1%,亦即300蚊(上限收800),有業內人士形容為「在別人飯碗拿飯食」。
個App到底咩人做?暫時都係個謎,完全無交代公司背景,長遠應該唔會有太多客戶放盤資料,甚至可能係「假客套資料」,伏味甚濃,有AA睇死個App遲早摺云云。
之不過,先唔講回佣。其實香港人既然係有呢啲創科思維,不如比心機研發一啲可以改變世界嘅發明,令地產業界專業形象得以提升,好過令到個餅愈做愈細,為業界留下的只有傷痕吧。
===============
精選資訊網站「中環街市」 臉書粉絲頁