【移民英國】BNO簽證終於可以拎強積金？山窮水盡可享英國「綜援」？
近日BNO簽證有兩大焦點，一是有望提走強積金，二是居英時山窮水盡時可獲豁免申請當地福利，對有意移居英國港人而言，這兩大焦點有乜嘢要留心。
整合強積金始終係第一步
率先為BNO簽證申請提取強積金開「綠燈」據報係宏利，宏利新指引將永久離港申索情況除了到內地居住、持家庭、配偶簽證及居留許可簽，並增加到英國居留的BNO簽證。不過積金局已發出聲明，指政府已表明不承認BNO護照為有效旅行證件及身份證明，因此計劃成員不能依賴BNO護照或其相關簽證作為申請提早提取強積金的證據，並強調受託人執行強積金計劃行政工作時，有責任依香港法例行事，即係正式為以BNO簽證提取強積金落閘。
有意部署移居英國，第一步始終係整合強積金戶口，選擇回報較佳、服務效率較好的一間，並在該受託人計劃開立強積金個人戶口，再填寫「個人帳戶資料查詢表格」向積金局查清楚自己有幾多強積金戶口，之後填妥「計劃成員整合個人帳戶申請表」再提交到揀定的受託人，一般二至三個星期後就可以完成整合。從實際角度考慮，即使積金局就BNO簽證提取強積金開「紅燈」，移居英國後在成功入籍前管理一個強積金戶口，總較管理N個來得方便。
申請英國福利門檻變相提高
英國公布推出BNO簽證時列明申請人須自給自足，不能享有英國公共福利。不過日前英國政府作出修訂，持BNO簽證居英港人可在庇護法案定義下身處赤貧狀況或迫切（14日內）面對赤貧風險；或父母收入極低影響養育子女情況下，可獲豁免申領公共福利。
值得留意係修訂以庇護申請人貧窮程度作基準，相對英國統一福利救濟金（Universal Credit）申請門檻其實係提高了。皆因福利救濟金門檻係低收入及失業，申請人儲蓄額仍可達1.6萬英鎊，相比之下，庇護申請門檻就真係處於「無飯開」山窮水盡狀況。
由於2013年英國4月將多項福利金統一為Universal Credit，估計你在英國山窮水盡較有機會獲得Universal Credit支援。按現行制度，單身人士及夫婦津貼額由342.72英鎊到592.04英鎊（見表1），無錢交租亦可以申請Alternative Payment Arrangement（APA）申請租金津貼，另外過去半年收入少於2600英鎊申請人，亦可以申請借貸，貸款上限由348英鎊至812英鎊不等。
睇津貼額其實都只係勉強可以過活，而且申請Universal Credit條件係申請人要繼續搵工及接受再培訓，確保早日脫離受津貼行列。加上申請BNO簽證條件之一係提交足夠半年生活財務證明，所以首年申請救濟金獲批應有一定難度，所以務實態度係視今次放寬係多了道山窮水盡時用得著的安全網，而不是抵英後可以安心靠福利金過日子。
【下載Yahoo財經APP】獲全球超過1700萬人信任的美股投資工具，跨平台同步你的投資組合，一APP掌握TSLA、AAPL、AMZN等美股最新走勢。
伸延閱讀：