雅虎香港財經 
DAISO來港 香港進入直營店時代？
唔知大家記唔記得，之前大埔「業務超市」開店時，曾爆出假店風波，被揭售賣仿冒產品後，負責人甚至拒透露商業登記。知名Youtuber「大J」更專程開直播與日本「業務超市」總公司的負責人對話，揭露本港代理門市，有部分貨品不明來歷。
事件沒再發酵，不過反映出日貨代理門市的經營模式是時候要改變。
今日便有報道指日本「宗師級」100円店DAISO JAPAN，將於7月在筲箕灣開首間直營店﹗
美股、外匯、加密貨幣免費即時報價，自選投資組合獲取相關新聞提示
直營牛飯店大旺
屈指算算，在疫情肆虐下，近年日本品牌多數以直營方式攻港，其中DON DON DONKI 就是表表者。而SUKIYAすき家牛肉飯亦係非常成功例子之一，既然打正直營，口味同餐單都會盡量與日本同步，無得去日本嘅香港人，與其他非直營的牛飯店比起來，自然會優先光顧直營品牌。自DAISO JAPAN的消息於「筲箕灣西灣河關注組」Facebook群組傳出，已有居民留言「唔洗去斜對面2蚊店」。
DONKI成行成市
另外近年攻港的壽司郎，食物亦差不多與日本同步（除了部份港人口味），直營有相當好處，據說壽司郎在開業前，總公司派了不少日本員工到香港店幫手，香港員工又可先調去台灣受訓，代理就未必有咁靈活；不過最重要都係擊中港人鍾意直營心理，DAISO JAPAN如果真係好似DONKI 咁開到成行成市，同類日本生活百貨店相信會有好大經營壓力，例如「AEON香港」只係DAISO的官方合作夥伴，消費者到時真係要貨比貨了。
香港目前基本上本地零確診，經濟又即將復甦，過去一兩年更顯示出港人「防疫」能力頑強，對比日本控疫情況，相信一眾日本品牌，都會陸續考慮來港開直營店吧。
相關報道：
