David Webb為乜扒逆水買傳媒股?
今時今日傳媒難做,但股壇怪俠David Webb就扒逆水,由過去偏好吸納老牌工業股改為收集傳媒股,之前有壹傳媒,最新動作為經濟日報,今次Webb哥會否押錯注?
今次David Webb出手掃經濟日報唔係嘢少,參考港交所資料他上星期再斥資187.8萬元再增持股份,持股比率由4.94%增至5.23%。雖然話傳媒難撈,連最不介意燒錢的01早前都頂唔順大裁員(雖然話係換血),但經濟日報強項係慳住做,而且早已建立最受廣告商歡迎的「呃like文+片」平台,所以早前公布中期業績,半年賺4224萬元,按年增長17.3%,質地上有點像David Webb過去鍾情有錢賺、潛藏價值兼派高息的工業股,更何況大股東馮紹波近大半年密密增持,反映連大股東都認為經濟日報已跌至抵買水平,只是發行收入跌5%,未來要看轉型數碼平台速度,到底會有多快。
從策略角度看,現時網上證券服務大亂鬥,未來又出現虛擬銀行大戰,財經理財資訊是這類平台不可或缺的「服務」,意味這類資訊需求將會大增,經濟日報便是資訊供應商機的受惠者。此外,David Webb亦可能看中最終賣盤機遇,現在內地科技巨企如騰訊不缺錢,卻正煩惱開拓新核心業務,至美團等蝕大錢巨企,就更心急要為業務組合增加新亮點安撫投資者,而傳媒業正是這類科技巨企收購的熱門選擇。政治上一直安全的經濟日報,正是收購傳媒股的安全選擇。一旦有科技巨企出手,David Webb持股就有機會大豐收。
至於壹傳媒就較複雜,除非有外資出手,否則要賣盤都唔易。現階段David Webb可能賭壹仔收費訂閱模式行得通。然而不論是入手壹傳媒或經濟日報,相信David Webb出發點都係投資多於野心想做傳媒大亨,皆因搞傳媒係燒錢玩意,投資高手David Webb又豈會輕易落疊呢。
===============
精選資訊網站「中環街市」 臉書粉絲頁