Dr. Ng曾預言樓市會大跌七成

.

近日港人排晒隊買新盤，超額認購逾37倍成為一時佳話，筆者身邊都有好幾位朋友睇樓同入飛。

路遙知馬力，近日有人翻年幾兩年前的樓市專家舊帳，正是翻出曾經名動一時的資深債券投資者Dr. Ng，他曾預言「樓市最恐怖會跌七成」，認為樓市下跌週期已經開始，樓價到了「清算日」。

當年他以美國聯儲局持續加息及中國被全世界圍堵等不利因素立論，認為內地廠房會因貿易戰而遷走，導致失業率急升，連中國都無水，經濟差過97前，所以樓價亦要回到97前才算正常。

除了樓價，對納指他同樣睇淡，2018年底睇納指將大跌八成，會跌回二千年科網股爆破的時候「約1200點才可能停止」。

.

當年一番驚人言論同時，Dr. Ng順勢推銷新書《8014金融大爆破》，轉眼間受信者眾。「8014」指的是1997＋2000＋2007＋2010＝8014，意思即是今次的金融爆破，比過往4次加起來的更嚴重，諧音「發完實死」。

散戶稱他「比羅家聰」睇得更淡。

之不過，Dr. Ng升得快也沉得快，隨著大市回升，他亦幾乎絕跡於主流謀體，轉為經營自家收費頻道。

Dr. Ng現象，事實上影響深遠，翻查近年財地產新聞資料，我們會發現自Dr. Ng後再無淡友，皆因對樓市唱得最淡的經已出現，即使猜中，你也不會比Dr. Ng猜得好吧。

===============

精選資訊網站「中環街市」 臉書粉絲頁