HSBC調查:51%打工仔會在飛機上搭訕
本港唔少打工仔女嘅大假,都攞來去旅行。坐短途機嘅話,幾個鐘頭嘅時間尚算易過;但長途機動輒10多個小時,特別係獨遊嘅話,想好好打發時間,除了瞓覺同睇戲,同鄰座嘅人傾下偈,亦係解悶好方法。
覺得咁樣搭訕好奇怪?其實好多人已見怪不怪。最近bank HSBC 一項調查,訪問了2150位近期預訂機票嘅人;還有過去一年曾坐飛機,來自英國、香港及阿聯酋各1000位乘客。
問到佢哋在機上會同其他人有何互動時,有超過一半(51%)嘅人回答「與陌生人展開對話」;另有16%更表示,試過在機上識人,並建立了「商業聯繫」。所以打工仔女去多啲旅行都好,話唔定可以幫公司傾成一單生意,讓事業發展更上一層樓。
調查續指,14%受訪者稱認識到友誼長久嘅好朋友;更有趣嘅發現係,每50位受訪者中,便有1人表示在機上「遇到真愛」。下次搭飛機嗰陣,單身嘅打工仔女不妨多加留意周圍嘅人吧。
===================
19網輕鬆爆料熱線,歡迎舉報老細同事19惡行,立即click入去講畀我哋知啦