香港股市 將在 1 小時 37 分鐘 開市

【IG熱話】地鐵瞓覺 小心被偷拍

小編記得好耐之前,搜集過一啲極速瞓覺嘅方法俾大家參考,例如槓桿入睡法、忍者入睡法、10秒入睡法、扮工入睡法等等,但勢估唔到,無論你有幾快入睡,喺地鐵補眠,都逃唔過被人偷拍。

話說近日IG上有個相當有爭議性嘅偷拍專頁,專貼人喺地鐵嘅瞓相,仲要無打格仔。

有的站著睡,有的倚著欄杆睡,有的手握吊環睡,總之相中人露全相。OL出盡法寶,面蓋紙巾入睡,但都逃唔過呢個專頁法眼。

打工仔食花生之餘,第一反應當然係覺得唔道德,有打工仔立即檢舉專頁:

「喺香港真係慘,搭車瞓下都唔得,仲有啲人好無教養,無經人同意就影人,知唔知咩叫尊重。」

「就來連瞓覺都係一種罪。」

"How does this consider"fun" to you?"

小編覺得,其實根本連問都唔應該問,應該一開始就唔好影,因為難得眠一眠又俾你嘈醒,個感覺都幾難受。

講到尾,大家真係要小心,據講有HR係專門上網搜尋同事衰相,唔知最後會唔會影響升遷,但如果佢喺公司唱你「喂你有無睇過XX呢張相好好笑」,都注定無運行啦。

只為警醒大家報道,下不為例~~

===================

19網輕鬆爆料熱線,歡迎舉報老細同事19惡行,立即click入去講畀我哋知啦