雅虎香港財經 King Sir傾樓│一招解決一買即跌的煩惱（葉景強）
首先，筆者在此恭祝各位讀者，兔年吉祥、投資大順！在兔年之始，樓市立即動若脫兔充滿生機，十大屋苑成交大幅增加，估計農曆年過後將有更多買家投入市場，買賣成交將進一步上升。
美股外幣即時報價 多國新聞任睇
自國內放寬防疫政策後，市場預期兩地經貿往來逐步復常，從而帶動本港今年經濟好轉，加上憧憬內地資金將重新流入市場，幾大龍頭地產代理都非常睇好今年樓市，最牛的更預期樓價會大升15%。
然而，部分跨國代理行及投行卻唱反調，認為今年全球經濟很大機會進入衰退，美國繼續加息，利率仍未見頂，加上發展商積壓大量存貨，估計今年樓價最壞情況會下跌10%。
一個話升一個話跌，正反兩方各有道理，搞到一眾買家都唔知信邊個好。有些買家驚今日唔買未來會更貴，但現在入市又驚個市只係迴光反照，買完即跌，部份亦擔心買入後就算樓價唔跌，但利息仍然高企，貴息仍然有排捱。 然而，市場普遍相信疫情過後香港經濟將逐步好轉，加上預計美國在今年底或明年初將會開始減息，樓市將會擺脫頹勢。
建築期付款 避開貴息
如果閣下真的擔心一買即跌、又驚捱貴息、但又相信兩三年後樓價會比今天高的話，筆者建議你一個高赢甚面的方案——就是用「建築期付款方式買新樓」。
去年因疫情及美國瘋狂加息導致樓價大跌，發展商賣樓甚艱難，貨尾單位及未推售單位合供7064伙，再加上今年計畫推售的項目，合共涉及29722伙。因此發展商在第一季推盤時必定非常謹慎及保守，估計第一二張價單將會貼近甚至低於二手價推出，只要能抽到，你贏面就會高。而就算真的不幸地一簽臨約個市即跌，但到你收樓時都已經年幾兩年後（24年底或25年初），甚麼疫情、加息周期相信已是過去式，到時個市應該都已經反彈番唔少了。
另一方面，因現在仍處於加息週期，估計聯儲局仍會在今年內加息0.5至0.75厘，而本港銀行很大機會會跟加。如你今天買層二手樓，3個月後你就要開始供貴息，但如你今天買的是新樓，加上選用建築期付款計劃的話，當你收樓時，已經係年幾兩年後嘅事，利息相信已回落不少，那你便可免卻捱貴息之苦。
但你出手前需要留意一點，如你選用建築期付款計劃去買新樓的話，你必須確保年幾兩年後你依然有份工有糧出，否則，銀行是不會批出按揭貸款給你上會的。
葉景強（King Sir）
本欄隔周二刊出
