Prada何必再捱業主貴租
呢兩日其中一個討論得較多嘅,係曾被評為 「全球最貴商業街道」嘅羅素街,其900萬港元月租嘅Prada,租約將於2020年6月屆滿,並宣佈唔會續約。
背後原因眾說紛紜,有人話係示威令自由行不來了,所以才令到名店「逃港」,據了解業主已劈價至500萬,都仲搵緊人承租。
但如果有留意開Prada嘅,可能會有另一番解讀。
以業績計,2019財年上半年盈利增長55.7%至1.55億歐元,股價一度因為稅務優惠而炒上,但淨銷售額雖然同比小幅增長2%,但零售渠道銷售額則同比下降3%,而整個大中華地區銷售額則同比下降4%,市場認為Prada骨子裡還在衰退。
成績不佳,加上奢侈品牌正值電商轉型期,所以Prada怕貴租撤出實體店也毫不意外,而這也是國際奢侈品牌的發展潮流。
奢侈品牌在中國正掀起電商潮,Burberry、Gucci去年已經用微信小程序來做七夕營銷,貴租實體店,已不是今天的奢侈品牌所必須;Prada之前頂多出現在代購或海淘,今年6月,也入駐電商寺庫,網上賣袋。
當然,內地奢侈品關稅減低和人民幣走勢是更重要原因,在國外買已不一定便宜,使到在香港吸大陸客的此一動機,愈發不吸引,那倒不如調整生意,先關掉貴租的實體店。
根據2018年度《中國奢侈品市場研究》預測,2018年中國消費者在內地的奢侈品消費比例,由2015年的23%上升到27%,預計2025年會達到50%,我們稱之為「消費回流」。
自由行不來香港是事實,加上內地「消費回流」,Prada亦已進入寺庫,在內地專注本土化的線上渠道,那又何必再在香港,捱業主貴租呢?
別到退潮時才知道,原來業主已偷走了你的褲子。
===============
精選資訊網站「中環街市」 臉書粉絲頁