香港股市 已收市
  • 商務
    now.com 財經

    【螞蟻有投資】彭博:內地自動售貨機製造商友寶擬港IPO

    【Now財經台】螞蟻集團有參與投資的自動售貨機製造商友寶計劃在港上市。 據《彭博》引述消息人士指,內地智能自動售貨機製造商友寶,考慮最快年底在港上市,估計集資規模高達5億美元,折合近39億港元。此外,友寶亦考慮上市前再進行一輪融資,但規模未有定案,現時集團估值約10億美元,折合約78億港元,友寶對上一輪融資是2019年,當時集資16億元人民幣,由螞蟻牽頭參與。至於螞蟻亦有參與投資的內地共享單車公司哈囉出行,已撤回美國上市申請,據報哈囉出行是首家撤回美國上市計劃的大型企業。

  • 新聞
    now.com 財經

    【專家分析】ASM定單見頂唔使驚?

    【Now財經台】今朝出咗中期業績嘅ASM太平洋(00522),第3季嘅盈利指引正面,估計收入按年增長31%至40%。高盛指,留意到ASM第2季新增定單比第1季少咗7%,半導體解決方案又按季減少19%,係咪印證咗高盛話ASM新增定單喺首季已見頂? 英皇證券研究部總監陳錦興指,由於過咗疫情轉向復甦嘅時期,所以增長唔會再咁誇張,ASM新增定單見頂都唔出奇,但半導體生意本身周期性好強,所以唔需要過分解讀。Stanley又話,依家唔少企業都加大半導體行業嘅投入,都會係ASM嘅增長動力,所以集團營運前景可以接受。

  • 新聞
    now.com 財經

    【股市脈搏】芯智放榜後再炒過?

    【Now財經台】半導體股芯智控股(02166)噚晚發盈喜,估計中期最少多賺1.8倍,刺激芯智股價今日爆升,午後升幅擴大,一度升逾34%,高見1.95元,其後升幅收窄,成交股數較過去100日同時平均激增35倍。 芯智5月都發過首3個月盈利預告,當時股價曾狂飆84%,雖然第2季應該賺得多過第1季,但股價走勢就冇上次咁強勢,至於第2季最終公布嘅盈利有冇更大驚喜,就要留意8月底前出爐嘅中期成績表。