Bitcoin投資者預言 明年底升上10萬美元
Tesla唔夠兩日,就已經升穿咗大摩個540蚊目標價,向其bull case 1068美元出發。
早排筆者同朋友傾開個bull case價,大家雖然都難以置信,但始終都有細部基礎,唔會列入亂講之列。
之不過,如果有Bitcoin投資者同你講,Bitcoin明年底會升到上10萬美元呢?呢啲「大膽預測」,你又會唔會信?又會唔會覺得亂講?
話說,就真係有呢啲預測,著名外國虛幣投資者Anthony Pompliano,最新就有預言,從宏觀經濟角度看,全球低利率,央行猛「印銀紙」再加上聯儲局以平均2%通脹為目標下,將有助零售和機構投資者進入bitcoin市場,而若耶倫上任美國財長,其對通脹的包容程度,亦有助幣價推高。他認為在市場可見的供需情況下,Bitcoin明年底會升到上10萬美元。
事實上今年以來,Bitcoin價格已經暴增達160%。
之不過,說時遲那時快,徘徊19400美元水平的Bitcoin,又因市場質疑掉頭急挫,又傳美國加大監管,一日便跌了3000美元,現報17286。
一日便跌了3000美元
首先要知道,這個預言基礎何在,所謂供需,說穿了也就是依附各國的監管情況,不是Pompliano可以「話事」, 那麼「Bitcoin明年底上10萬」,除非理由中有揭露監管內幕,否則真係出嚟行講個信字。
睇多啲:比特幣24小時內曾急瀉18%
並非說Bitcoin沒有基礎,而是「Bitcoin明年底上10萬」這種預測比起「恒指升上4萬點」、「Tesla上1000蚊」更加匪夷所思。
再者,據了解與數年前比較,今天Bitcoin的散戶投資者比例減少,大戶較多,舞高弄低就更有空間了。虛幣市場向來波濤洶湧,處理這類所謂預測就更加要小心了。
===============
精選資訊網站「中環街市」 臉書粉絲頁