【魚樂無窮】跌市接刀 有一把不可碰(唐牛)
恒指啟動殺牛程式,以點數計,於27000至27600的重牛區已殺掉一半有多,淡友認真肥仔水,中美雙方未有下一次談判時間表,距離6月底G20峯會卻還有一個多月,貿易戰變數之大可想而知,無怪乎暫時未見有底可守。
不少戰友都問低位喺邊,可惜我冇水晶球,否則一定同大家分享,升市追貨心理壓力大,跌市撈貨亦好考功夫。無他,硬接正在跌下來的刀,好大機會見紅,即錄得賬面虧損,但掉番轉諗,機會從來都係跌出來的。
如何把握這個機會呢?首先,要揀一把靚刀,生锈嘅、甩皮甩骨嘅,接咗都唔會有用,四大內銀股可謂當中的表表者,盈利表現每年都係幾個百分點增長,人為因素極大,卻承受着百業之母的風險,從這個角度出發,股息率相對不算吸引,切勿跌入陷阱。
其次,既然接刀要冒着流血風險,入場務必要分開幾注,做到平均成本法之餘,更可令壓力減少,坐貨也會坐得安心。至於接咩刀,相信有跟開本欄的戰友都會十分清楚,真係唔知嘅就pm我啦!
唐牛fb專頁