香港股市 將收市,收市時間:3 小時 30 分鐘

【魚樂無窮】兩隻炒憧憬的美股(唐牛)

有pm我的戰友都會知道,上星期本欄提到的兩隻剛放榜的美股,分別為Match Group(MTCH)及Disney(DIS),前者放榜後曾單日曾炒高兩成,後者則持續向下走;MTCH走強原因,乃旗下皇牌交友app Tinder表現較預期佳,集團亦調高第三季生意額及EBITDA預測,是故今浪美股大跌,仍未跌穿我在業績前的買入價(約74美元)。

相反,迪士尼業績則較預期為差,但主因大舉投資串流媒體,並整合21世紀霍士的資產,集團門票收入其實繼續創新高;另一方面,集團11月推出的自家串流影視平台Disney +,基本月費6.99美元,較競爭對手Netflix平一半,相關業務勢必成為未來炒作憧憬,所以我雖然蟹咗,但選擇繼續持有。

上述兩隻股票,如果大家有興趣的話,都可趁調整浪入場。同一時間,有一隻美股我等到頸都長埋,依然都未見有深度調整,可見實力之強橫,想知道係邊隻?留番下星期同大家講!想搶先一步知嘅,又可以pm我啦!

唐牛fb專頁

http://www.fb.com/tongcow88