香港股市 將收市,收市時間:4 小時 39 分鐘

【樓市贏家】亂世抽中居屋 點算好?(徐峰)


亂世中,樓價自不然受到影響,多個地區都出現減價甚至業主蝕讓求售的情況,預期短期內樓價都會向下行,若果在這個時候,你抽到原本是大幅低於市價的新一期居屋,你又夠膽入市嗎?

事緣一位朋友近幾次都有入紙抽居屋,但都落空而回,新一期、即明日抽籤的一期當然都有申請,他近日忽然問筆者,如果今期抽中,你覺得買好還是不買好?筆者就答,如果今次抽中,你覺得下次有機會平一點而放棄,你真的那麼有信心下次會再抽中?

朋友當時話,雖然不會肯定,但新一期雖然8月抽籤,不過要到11月才揀樓,到時會不會有些私樓售價會與居屋售價相若?筆者當時心入面的反應是,反正都是11月才揀樓,其實可以11月才決定。而就在這刻,旁邊有個朋友就講,他又個老友,就是在08、09年時抽居屋,原本籌號都不是太前,但當時經濟差,樓市大跌無人問津,便「執死雞」成功購入一間居屋,至今樓價當然升到哈哈笑。

這件事,可能是不少居屋客心目中最關心的問題,始終今期居屋有多個靚地點,原本是一個上車好機會,所以吸引到30多萬人入紙申請,不過在這個時間出現反送中風波,樓市由旺轉淡,到揀樓時仍有三個月,到底樓價走勢會如果,相信無人會有答案,始終修例事件都不知何時會完結,即使完結後對經濟的影響有多大又是未知之數。

不過其實筆者經常都覺得,政府政策有時真的拖得太長,就如今期居屋發售,由5月公布資料及定價,到6月截止登記,8月抽籤,11月揀樓,歷時要半年,在一個社會中,半年時間可以發生的事實在太多,就如5月到6月間,樓價仍處於升軌,6月開始百萬人大遊行,樓價開始回落,到近一兩星期,多區都有大減價成交,售價已重返今年初的低位,雖然未知未來數月的樓價走勢會如何,但若然反修例事件而進化下去,整體樓價較高位回落一成絕不過份,那時候,政府仍然5月份定價水平售賣居屋,還是合適嗎?