【樓市贏家】變態睇樓客的心理研究(徐峰)
做地產代理除了可以搏到賺得豐厚佣金之外,亦可以結識很多不同層面的人,正所謂識人好過識字,不過有時有些奇怪的客人,浪費時間之餘亦做不到生意,如果是被筆者遇到,真是會激到吐血。
話說,筆者身邊有位朋友,早兩個月四出睇樓,當時筆者已經介紹一個相熟代理朋友給他,不過他就是鍾意行到邊睇到邊,隨時隨地見到代理行都要即場睇樓,結果花了個多兩個月時間,睇了廿幾三十次樓之後終於買了一個單位。
當時筆者心諗,都已經買了樓,而他又不是甚麼家財萬貫的大投資者,短期內都不會再買樓或換樓,睇樓活動都應該暫告一段落。
後來有一次筆者同這位朋友食飯,他又說,剛剛去了哪裡哪裡睇樓,覺得都好好,不過就遠了一些,筆者當時就心想,其實你都已經買了單位等收樓就可以入住,你睇四周的屋苑是為了甚麼呢?
之後某一日他又跟我說,去了睇某某屋苑,筆者就問他,其實你買了哪個屋苑?他說,就是剛剛睇哪個,而且是同一個戶型。筆者就問,其實你都已經買了,而且是一樣的單位,你今次睇樓的目的是為甚麼呢?他說,就是為了睇睇其他同類單位的裝修,以及開甚麼價錢?
筆者就忍不住口說,那代理真是慘了,又煲無米粥,又要白白浪費時間,萬一有其他實客出現,就錯失了一個賺錢的機會。而同檯食飯的一名朋友就說,「你睇人開幾錢做咩?同埋你只是睇人賣得貴,不睇人賣得平的,同騙自己有甚麼分別?」
到現在,這位朋友已經買樓約兩個月,但他還是每逢星期六、日都會同老婆去睇樓,幾乎他買的單位附近所有私人屋苑他都有看過,簡直是一個「變態級睇樓客」,說到底,筆者覺得,他都是要睇其他屋苑、其他單位有幾多缺點,或者開價有幾貴,從而證明自己買的單位是平靚正,但就辛苦了一班代理們了。