TVB不如做《歡樂今朝》

根據疫情下香港人的生活習慣改變，與其做《歡樂今宵》，不如做《歡樂今朝》

港人最關心的影視娛樂大震盪，近日曾志偉回朝掌大權「救TVB」，又有傳譚詠麟跑步獻計，叫曾志偉翻叮類似《歡樂今宵》節目，據說志偉現正四圍收集意見。

其實，根據疫情下香港人的生活習慣改變，與其做《歡樂今宵》，不如做《歡樂今朝》，更有望為TVB創造藍海，理由有三：

第一：「今宵」已不再是觀樂時段，而係搏殺時段，食粥食飯睇美股，睇bitcoin；基本上一過晚飯時間，好多時間都睇住個市，愈夜愈有機，點會呢個時候睇《季節》呢？除非TVB都係以「已上岸人士」為目標。

「今宵」已不再是觀樂時段，而係炒股時間 (CHRIS DELMAS via Getty Images)

第二：疫情下，港人早上生活變豐富，睇片、聽歌、做瑜伽、健身，都係早上會做的事，雖然未致於最近Tim Cook的訪問中自言清晨4點起床健身，但正路深宵炒完股，朝早7點起來，對自己好啲是正常不過的事。

第三：之前防疫政策關係，港人6點前已經食晚餐，早餐相對變得重要。享用早餐時間延長，意味「早市娛樂」其實有空間；以目前未有太多競爭對手下，《歡樂今朝》說不定是個出路。

事實上傳譚伯也是在「早市娛樂」跑步獻計 (South China Morning Post via Get)

DayDaycook合作教煮大早餐

那麼《歡樂今朝》可以點做呢？睇「海洋公園」都要引入瑜伽就知道，早市瑜伽堂，又或者邀DayDaycook合作教煮大早餐，應該總比「獎門人super之歡樂今宵版」好吧；進取一點，或者可應「保險界王祖藍」林作邀請，買下「林作大戰鍾培生」轉播權，在早上開打。

或者真係可以「買下」林作大戰鍾培生的「轉播權」，在早上開戰

big big channel串流音樂

此外，既然與三大唱片公司破冰，投資big big channel化身成串流媒體，亦可推「大台playlist」；進取點可跟近日正大舉擴張的Spotify合作，同樣鎖定早市娛樂，說不定能夠再創藍海？

相關報道：

• TVB多名高層職銜變動 何哲圖月底離任由曾志偉接手音樂

【下載Yahoo財經APP】獲全球超過1700萬人信任的美股投資工具，跨平台同步你的投資組合，一APP掌握TSLA、AAPL、AMZN等美股最新走勢。