Walmart大反擊
最近人人熱衷網購,如果放眼睇遠啲,就會知道唔只香港,外國整個行業都將會出現新一輪變化。
話說傳統零售巨人Walmart,剛證實即將推出一個類似Amazon Prime嘅會員制度,叫「Walmart +」。
根據報道引述消息,Walmart +除咗會延續Walmart 本身嘅會員制度,即係98蚊美金一年(Prime 119美元一年),即日從旗下1600多間Walmart分店送貨外,仲會就藥物等產品有特別安排,好可能他日去Walmart 油站入油都有得預購,目前Walmart官方,並沒有就新計劃透露太多。
網購結合會員制、免費送貨同埋提供專屬特價貨品,向來都係Amazon Prime大受歡迎嘅主因。Amazon Prime於2005年推出,助Amazon攻下約40%全美網購市場,專家們多認為,市場已不能忽視,Prime對Amazon所佔的網購市場,到底有多重要。
目前 Walmart則佔網購市場約35%,也不是被Amazon拋離太多,但就欠一個殺手鐧拋出前景作出反擊。
Walmart作為美國主要零售商,經濟差自然首當其衝,但從其截至1月的2020財年第四季業績可見,削減開支也不是太成功,盈利和營業額均遜於預期,而即使因為擴充網購,吸納了部份傳統百貨市場,也不致於提振業績,更何況要反擊如日中天的Amazon?
事實上,呢一年對Walmart來說,可謂逆水行舟。中國業務隨時損失慘重,加上美國市場直接面向消費者(DTC)營銷模式湧現,品牌自己的網絡營銷興起(根據Diffusion的數據,過去一年,每5個美國人就有兩個繞過Walmart或Amazon等中間人直接買貨),如果傳統銷售或網購只停留於銷售渠道的理念,而不去經營一個「網購品牌」,被「蟻多摟死象」是時間問題。
最後更重要的,是股神巴菲特同樣重投零售懷抱,繼出清Walmart後,又開始持倉美國第三大零售集團Kroger。Kroger有乜咁好?就係此前剛剛亦大舉加強網購業務,提高送貨質量(目標是在實體店購物的96%客戶可以預購、收集同支付),咁股神持倉,會唔會就係對網購未來5年發展,有啲啟示?
與Walmart不同的是,Amazon 目前主要係,透過旗下實體店與Kroger嘅QFC超市競爭。
外國網購風起雲湧,唔知本地薑王維基,會唔會將現有VIP制度重新包裝,都推出「HKTVmall +」呢?作為消費者,自然樂見王維基、李嘉誠等,展開新一場網購競爭。
===============
精選資訊網站「中環街市」 臉書粉絲頁