Walmart推虛擬試身室 可在家中除剩底褲試衫
上年海港城有得免費「試穿」品牌童裝,數碼立體人型仿真度相當高,已經預感到可能以後買衫,真係唔使親身落舖頭,而最近Walmart亦終於出招,推出自家虛擬試身室,似乎係現時「虛擬試身天花板」,睇技術似乎真係可以取代真實試身室。
股、外匯、加密貨幣免費即時報價,自選投資組合獲取相關新聞提示
27萬件商品在家試穿
Walmart試身室計劃叫Be Your Own Model,係3月虛擬試身嘅延續。3月時Walmart推出過虛擬試身,不過只提供50位預設模特兒供用戶選擇,今次用戶已經可以直接自己做模特兒試身,只要將除剩內衣褲嘅自己掃描入去Walmart系統,你就可以隨時試著27萬件商品。
軍事地形掃描技術
Walmart的試身室技術,其實來自於去年收購以色列的虛擬試衣研發公司Zeekit,據當時描述,Zeekit係用類似軍事地形掃描技術,透過Mapping掃描模特兒人體三圍,並將一件衫切割成超過8000個單位,再「貼」上模特兒身上,並非一般貼圖技術。
減低網購退貨率
據了解,試身系統主要是想解決網購退貨率,令客人能夠更加精準買到適身衣物。
其實,新應用嘅好處,又何止退貨率問題,虛擬試身實有助不方便前往門市的客戶群,那些客戶可能出於身體原因不便出門,但如果可以在家解決,科技為人類所用,應用價值隨時比商業價值更大。對零售業來講,亦意味客戶群擴大。
香港都有3D 試身技術
單講數字,虛擬試衣已經係肯定趨勢,GlobeNewswire 資料顯示其市場規模預計2021到2027年之間拓展至 99.9 億美元,年複合成長率達 20.1%,只看企業能否把握機會轉變,今天傳統企業如Walmart都推行了,全面普及是時間問題,唯一障礙,可能只係舒適度資訊。而香港都有自家研發3D 試身技術例如Kalon Couture,幾年前於K11體驗過,未來會否更加普及,可以拭目以待。