「麥樂雞」式理財法

想理財投資，最基本當然係有「財」，所以一眾寒底的年輕上班族，總認為自己無財可理。其實即使係「麥樂雞」級別資本，你亦可以策動投資理財，慢慢累積財富。

「定」存外幣

投資外幣，大家都會即時想起長者及大媽鍾情的外幣及人仔定存，不過玩外幣定存要賺息，至少要有十萬元資本才有肉食。純粹想用小錢儲大錢，倒不如開一個外幣儲蓄戶口，開戶金額低至1萬日圓或100美元，即是付出六、七百港元，你便可以擁有自己的外幣戶口。每月出糧透過櫃員機、電話理財或網上銀行後轉錢到外幣戶口，就可以定額儲蓄外幣。

儲外幣還有一個好處，就係直接儲蓄旅行資本，出發前你只要打電話要求銀行預留現鈔，即可以到分行提取外幣，這一點對喜歡旅行的年輕上班族來說別具吸引力。

儲Bitcoin

受印度換鈔風波及人仔貶值衝擊，這兩個大國的有產階級開始「分散投資」，積極入手虛擬貨幣Bitcoin避險，令Bitcoin近月火速升值，踏入2017年，Bitcoin兌美元價位輕易突破1千美元心理關口。現時炒Bitcoin成本已經唔平，想用電腦掘Bitcoin，難度又較數年前大增，且要配置強勁電腦及大額電費，對年輕上班族來說並不化算。

但仍有一個賺Bitcoin方法，就係睇廣告，外國有不少網站可以讓你睇廣告或睇片賺Bitcoin，不過Bitcoin派彩就相當「納米」，一般派彩由0.000002至0.0000006 Bitcoin不等。但毋須升級電腦又唔使用錢，假如你放工後無所事事，不妨每晚抽時間賺Bitcoin，反正是慢慢累積，Bitcoin短期大上大落亦不用太上心。

一買一賣消費法

年輕上班族還有一個「寶藏」可以套現小額資金，便是你家中的雜物。雖然放售二手物品的渠道多的是，例如二手交易網或二手物品群組，但交收手續花時間，遇到不良買家臨場壓價又不好受，所以唔少人由得家中的雜物囤積，結果這些舊物最終只會成為垃圾。其實只要不怕麻煩，家中舊物都可以放售套現，例如名牌手機，即使是數年前的舊款，二手價仍值數百元。名廠大褸或皮鞋，以三折二手價出售，你既可以清空衣櫃，亦可以套回資金。

除了發掘家中舊物「寶藏」，你亦可以奉行一買一賣消費法，即是買一件貨品，就放售家中一件同類舊物，這方法除了可以減少家中囤積舊物，透過一買一賣，亦提醒你應該要謹慎消費，增加慳錢效益。

找卡數賺息

低息環境下，今時今日有那一種可以賺數十厘息的投資工具？遠在天邊近在眼前，你只要努力清卡數，便可以節省數十厘罰息。

起步時你先把卡數比對自己每月收入，計算一下每月可以用作還債的金額及還款期。掌握此「大數據」後，才選擇適合自己又抵玩的貸款計劃。以私人貸款清掉卡數後，想賺到盡，最好以「破釜沉舟」方式剪掉所以信用卡，避免累積新卡數及罰息，待捱過還債期後，你便有大把本錢申請一張新的信用卡。