【一句到微】寫Blog之道(嚴啟明)
時下「WordPress」、「LiveJournal」及「Blogger」等博客平台大行其道,Blogging無疑係社交媒體最受歡迎嘅內容營銷方式之一。今期《一句到微》就喺電子商務學問庫《eBizMBA》公佈嘅全球15個最受歡迎blog入面,向各位介紹當中排名頭三名、每月獨立訪問高達2.5至11億次嘅國際級網誌,同大家探究佢地嘅營運策略!
Huffington Post:內容集合策略
《Huggington Post》每月獨立訪問次數高達11億次。但係,佢哋有好多post都唔係由自己嘅內容部門創建出嚟,而係好似《讀者文摘》,從其他網站蒐集精彩文章予以,我哋可以將佢稱之為「內容集合」(content aggregation)策略。
公司內部內容團隊嘅知識始終有限,無可能完全掌握每個範疇的一切,「外來」文章正好彌補呢種不足。對於blogger而言,佢哋可以借助《Huggington Post》嘅名氣進行自我推廣。所以話,「內容集合」適合針對小眾市場(niche market)嘅blogger,為佢哋提供一個寫blog嘅平台,同時《Huggington Post》可以吸納呢班blogger嘅受眾,對雙方都有益處。
Business Insider:從受眾角度製作內容
《Business Insider》係一個美國商業新聞網站,成功造就近3,000萬受眾群,超越《華爾街日報》同《福布斯》呢類老牌財經新聞媒體。相對包羅萬有嘅《Huffington Post》,《Business Insider》專注於財經同科技新聞。而且喺每篇報導入面,他們都會加入深度評論,方便讀者分析。除此以外,《商業內幕》亦會加入一啲輕鬆專題,例如特色startup同埋business fashion,好適合後生一輩嘅華爾街精英。
TMZ:滿足fans好奇心
《TMZ》係一個美國娛樂新聞網站,成日派「狗仔隊」採訪明星,以補捉明星畫面而聞名。《TMZ》點樣吸引受眾click自己啲post?(一)利用「爆炸性」標題吸引讀者眼球;(二)為受眾提供小秘訣同獨家內幕消息;(三)為訂閱者提供更多獨特的資訊,呢啲策略正正適合一眾fans嘅好奇心!
中小企往往會對以為內容營銷需要好龐大嘅開支。由以上嘅blog例子可以見到,其實成功內容營銷所需要嘅,並唔係大文豪、大支出,而係具針對性嘅內容角度。希望以上嘅網誌策略及秘訣,可以協助各位讀者吸引更多受眾瀏覽你哋嘅內容項目!
嚴啟明(網誌kmyim.com)—Write4U網上創意寫作平台始創人,現為《信報》及《星島日報》撰寫案例專欄。