【大茶飯】脫歐兩個教訓一個展望(青冰)
>
英國公投前,全世界估99%留歐,結果就脫畀你睇,可謂一脫成名。還記得上周專欄對留歐坐定粒六,兩個教訓值得記住。
>
>
第一個︰相反理論。全城以為上周港股在公投前,必定下試低位,最後竟然越升越有,證明大多數人的想法,通常是一廂情願。事後孔明,去到近期高位,最後就算留歐,都只會出現好消息出貨局面,意味無論結果如何,最後難逃一跌,只是幅度大小而已。
>
>
第二個︰賠率陷阱。滿以為賭博公司盤口,留歐大熱就有代表性,原來講緊小撮人大注博留歐,大部份人刀仔鋸大樹,最終締造爆冷局面,以後睇賠率,可從一個新角度出發。
>
>
馬後炮完畢,總要前瞻一下。大市幾時見底?相信冇人會有答案。但有樣事情可以肯定,就係美國在英國脫歐下,加息步伐必定減慢,甚至叫停。如此推算,高息股及地產股應有承托力,集兩者特點於一身的REITs,值得放入購物籃!