【股壇衝鋒車】先行減持保本、等待市好出擊(周沖)
沒有得參與的特首選舉圓滿結束,薯片叔叔得民心但失寶座,林鄭成功成候任特首。大家在面書上比完嬲嬲,但路還是要繼續行,希望周沖能在專欄為大家找多點好股,大家努力增值,在這個難捱的香港繼續努力求存。
今日不談個股,談一下操盤的策略。個市應唔應該沽貨或者減持,周沖通常會睇強勢股的表現。執筆之時大市跌緊162點,但好明顯一直留意開的強勢股份都回吐不小,例如IGG(0799)及比亞迪電子(0285)。通常見到此類情況,周沖同戰友就會開始收拾下個倉。收拾倉位的意思係首先把那些之前買落又未止蝕的
股票沽出去。炒開股的朋友有時大牛市炒時亂買一通,通常係呢類市會先比這些孤兒仔先行推出去斬。周沖深信強者越強,弱者越弱,大市轉勢一定要先把弱勢股消除。
第二步,就是要睇下強勢股,通常點都好都會先食一半或者三分之一。因為個人覺得個市回,但其實係唔係又真係咁差呢?如果睇錯左要升都係強勢股先,所以點都要留番部分係手。去到一D好大的支持位如10天線或20天線都穿埋就會全清。因為連最強的都要打穿位,個市要向下的成數大好多,保留現金去得轉勢買貨會更加好。
點解今日要講呢個題目,好明顯就係周沖覺得大市應要調整一下,好少去到中午都未搵到一隻好心水同大家分享,睇完篇文,大家識做啦。
周沖