【股壇衝鋒車】奇峰現價買得過(周沖)
期結前連隊2日,實在不敢亂買貨,但23000點看似番危危乎,是震倉還是一穿無回頭,實左唔敢講,只係聽說大部分人都覺得個大市會向上多,反而要小心一下。
今日想和大家分享一下一隻國企股,就是奇峰化纖(0549)。此股2006年上市,上市價$1.69。除左第一年係招股價以上外,其他時間都是跌,更甚的是跌到$0.1也試過,傷透上市時就認購的基金股東。上年出過公告,用不低於$1人民幣配售6億股,
最後不知什麼原因取消左,但早兩星期發左公告,指大股東吉林化纖集團有意私有化H股。吉林化纖集團旗下除左奇峰之外重有兩間A股公司,講緊市盈率4-500倍,港股的奇峰只有5倍,實在是便宜。
計下數,如果奇峰要私有化,去到今年年底的nav 大約1蚊。但要想一下以$1.69入股10年的基金會不會坐貨十年蝕本離場?最近回歸A股炒得熱烘烘,如果有心將奇峰回歸A股上市股值可以有幾倍的提升。
現價奇峰H股只有$0.97,要私有化H股1億有找,就算想順順利利用上市價私有化都只要多用幾千萬,但產生的效果是市值幾何級的提升。既然大股東已經提出私有化,講緊只是價錢問題,周沖相信今次奇峰會高價收購再回歸A股。最低限度也要$1.1以上,所以在風高浪急的市況下買入搏私有化是不二之選。
買入價: 0.97 目標價 1.69 止損價: 0.8
周沖