【扮工收風】好多人唔明「升職無喜悅」
打工仔有打工仔嘅難題,做主管有做主管的悲哀,永遠都係人睇你好。
小編其中一位朋友最近升主管,就終於切身感受問題所在,仲喺自己facebook形容為「升職無喜悅」。
佢話自己升做Department Head,但人工加得少少,工作量又大增加,但人手呢?升咗你,公司又話要減,最好係一個打晒,充份展示做主管進退兩難嘅局面。
朋友亦講到,因為佢做細公司,公司好睇表現,所以佢算升得快,人工一早已經比剛入職時多咗10k,不過呢轉升主管,加得好少,所以好蝕。
朋友圈有過來人就建議佢忍耐吓,有啲話自己當初升主管時直頭冇加過人工,之不過,努力總會有回報,搞得掂條team後,一轉公司,人工加一倍。
小編都覺得好漢應該要吃吓眼前虧,先至有前途呀!
===================
19網輕鬆爆料熱線,歡迎舉報老細同事19惡行,立即click入去講畀我哋知啦