【名家給力場】安捷利私有關國家隊事?
【Now財經台】停牌3個交易日嘅安捷利實業(01639)擬以每股1.82元提出私有化,較停牌前有15%溢價,並較去年底每股資產淨值(NAV) 0.96元有約89%溢價,私有化建議由控股股東安利,聯同一間佢持有6%股權嘅公司安捷利美維一齊提出。股份今日復牌造好。
安捷利股價舊年9月開車,源於有網媒及Blogger話,安捷利係Tesla及元宇宙概念股,股價去到11月更由1元炒到1.82元嘅逾3年高位,咁啱就係私有化出價,公司市值唔夠30億元,應該仲有水位炒上去,點解突然提出私有化?
《香港股票財技密碼》作者梁杰文認為,今次好可能係國企改革行動一環,提出私有化呢兩家公司,其實係由國企控制,可能係想重整架構,於是將子公司退市。