【名家給力場】科技巨無霸回勇救美股
【Now財經台】近期美股氣氛有少少轉差,相對道指,納指表現明顯靚仔啲,如果睇圖,怕唔怕納指部署緊一個三頂情況,如果要跌落去,調整幅度可能會好深,難免會令部分投資者卻步。
資深投資者莫家強指,近期道指有好多股票散晒,道指3大成分股,即聯合健康(UNH)、高盛(GS)、Home Depot(HD),三隻係唔同行業,但早兩個月一齊畀人炒起,最近又3隻一齊冧返落去,有少少指數操作嘅意味。
Alex又話,亦有少少似板塊輪動,舊經濟股前早兩個月炒起晒,依家開始散,包括傳統銀行股,反而一啲好耐冇升嘅大型科技股,例如蘋果公司、亞馬遜差唔多8、9個月冇升過,近期開始升返,會唔會帶返起個市,佢認為係有機會。Alex希望市場消息差啲,呢啲股票能夠逆流而上,情況會更好。