【專家分析】內地再爆疫!大市會唔會「中招」?
【Now財經台】內地官員警告,未來數日新增感染個案會持續上升,疫情影響範圍可能進一步擴大,近1個星期疫情已經波及11個省,甘肅、內蒙部分城市已因疫情暫停道路客運服務,原本市場已擔心內地能源供應、限電問題會影響經濟表現,依家冬季疫情惡化,對已連升4周嘅港股,以及A股嘅投資氣氛有冇影響?
星展銀行(香港)豐盛私人客戶執行董事鄧威信指,內地疫情對整體股市一定有影響,尤其今次已經係第3、4波疫情,加上係變種病毒,短期難免影響市場投資氣氛,但睇返內地過往控制疫情控制工作做得唔錯,嚟緊幾日可以睇實內地疫情點發展,睇吓會急速擴散,還是可以好似之前咁成功控制疫情。