【專家分析】「割韮菜」式洗倉港股冇得玩?
【Now財經台】港股持續弱勢,恒指11月埋單跌超過1900點或7.5%,加上《彭博》嘅數據顯示,恒指市寬好弱,企喺100天線樓上嘅股份只得8%,係全球表現最差嘅主要指數,港股係咪要繼續尋底?
艾德證券期貨投資策略總監文錦輝認為,港股每次彈一彈之後,又「割韮菜」式轉跌,嚇到投資者不斷沽貨離場,加上冇人接貨,造成資金流不足嘅問題,加上內地監管問題,令市場對中概股避之則吉。
Felix又話,恒指平均市盈率(PB)已經跌到唔夠1倍,但係「割韮菜」式洗倉令投資者好難撈底,喺市場信心不足下,港股只會愈炒愈燶。