【專家分析】基金都離場瑞聲大鑊
【Now財經台】瑞聲科技(02018)已連續兩季發盈警,集團最新預告,去年第4季最多少賺79%,全年就最多少賺16%,有機會係十年以嚟最差嘅成績表,亦連續第4年純利倒退,拖累瑞聲股價喺今日大升市之下,全日受壓,午後更跌幅擴大,一度重挫逾14%,睇今日嘅股價反應,呢個盈警係咪差過市場預期?
艾德證券期貨聯席董事陳政深指,除咗瑞聲股價冇乜支持位外,依家電子產品業務增長空間唔多,加上供應鏈受阻嘅影響較大,政府又減少補貼,所以瑞聲純利進一步倒退,肯定令市場公司失晒信心。
Ryan又話,睇返瑞聲今日嘅成交、股價跌幅,反映有唔少投資組合、基金離埸,佢估計,瑞聲沽壓持續,股價仲未跌夠。