【專家分析】「契媽」ARKK「失準」有咩啟示?
【Now財經台】納指噚晚大跌166點或逾1.1%,如果以舊年11月嘅紀錄高位計,已經回落咗超過10%,陷入技術性調整,更拖累「女股神」Cathie Wood旗下方舟投資(Ark Invest)嘅ETF基金ARKK再創年半新低,原本大幅跑贏納指100、標普500 ETF ,但近1年急速轉弱,累計升幅剩返唔夠60%,主動型ETF係咪好難跑贏大市?
鴻鵠資產管理行政總裁兼首席投資總監陸庭龍指,喺加息、通脹呢啲宏觀經濟因素影響下,無論個股或板塊都會受大環境影響而出現調整。ARKK呢隻跟住科技、新經濟股行嘅ETF,佢揀嘅板塊之前都升咗唔少,加上溢價較大,大環境轉差一定首當其衝。
Alan提醒,由於美國仲未有實際加息動作,呢類股份仍會明顯弱勢,短期反彈力度唔大,唔建議投資者撈底。