【專家分析】小米見3字頭唔難
【Now財經台】小米集團(01810)智能手機全球付運量快速增長,全球市佔率超越Apple,首次晉身全球第2。小米係今日升幅最大港股,一度升逾6%。雖然基本面睇落硬淨,但科網股監管風暴愈演愈烈,小米前景係咪仍有隱憂?
紅蟻資本投資經理李澤銘話,ATMXJ入面,小米嘅審查風險最細,而監管當局嘅審查主要針對反壟斷、網絡安全及互聯網金融,小米業務唔太涉及呢啲範疇,而小米亦同中國軍方冇乜聯繫,因此,國際政治風險亦相對小。
佢又話,小米股價短期可上望30元,但要衝破30元,就要等埋中期業績,睇下毛利率、增長預測係咪交到貨,股價先會有機會出現明顯突破。