【專家分析】賭股好難翻身?
【Now財經台】澳門中午出咗11月賭收數據,表現差過市場預期,按年幾乎冇增長,亦睇唔到有明顯復甦迹象,喺未全面通關前,賭股係咪繼續冇運行?
英皇證券研究部總監陳錦興表示,即使澳門同內地恢復往來,暫時對賭收都幫助唔大,喺依家嘅環境下,香港同澳門仲未通關嘅影響都唔細。Stanley又相信,即使嚟緊有聖誕新年長假期,賭收都好難反彈,要等內地、香港、澳門通關後再睇下情況如何。
雖然市場憧憬今日公布嘅賭收可以救一救賭股,但最終條數都係唔理想,加上佔整體收入佔比唔少嘅貴賓廳業務受周焯華案影響,賭股繼續要捱打。