【專家分析】銅價Q4唔樂觀洛鉬頭痕?
【Now財經台】洛陽鉬業(03993)噚晚派咗成績表,第3季按年賺多91%,但賺得少過Q2,收入更比Q2少逾30億人仔。成績表一出,洛鉬股價一度挫逾8%,股價暫時已連跌兩日。倫敦期銅價格今季突破每噸10000美元,但洛鉬喺澳洲銅礦嘅產量、銷量齊大跌,後者喺Q3更按年跌23%,略鉬Q4嘅銅礦業務會唔會有明顯起色?
耀才證券研究部總監植耀輝指,股價跌勢同大圍環境有更大關係,因為有色金屬股Q3業績爭啲,所以全部資源相關板塊都跌得好甘。
Stanley又指,澳洲嘅人手短缺問題拖累銅銷售表現,但電動車會刺激銅需求,所以大部分研究都對銅價睇法正面。同時,内地Q4經濟麻麻,有可能降低銅需求,所以Stanley估計,Q4嘅銅價未必會升,但之後會好轉。